Tortë me çokollatë dhe kokos

Baza e tortës:

350 gr miell

100 gr sheqer

Pak kripë

2 lugë gjelle kakao

100 gr çokollatë të shkrirë

100 gr gjalpë

50 ml ujë të ftohtë

Mbushja:

200 gr kokos

70 gr sheqer

70 gr gjalpë

150 gr ajkë

100 ml qumësht të kondensuar

Dekori:

150 gr çokollatë

30 gr gjalpë ambienti

2 lugë gjelle qumësht të kondensuar

Përgatitja:

Fillimisht në një tas vendosim miell, sheqer, kakao dhe pak kripë. I përziejmë mirë këta përbërës dhe më pas shtojmë gjalpë të temperaturës së ambientit dhe çokollatën e shkrirë pasi e kemi lënë të ftohet pak.

Vazhdojmë trazimin duke shtuar dhe pak ujë të ftohtë derisa brumi të marrë formë. E mbështjellim me celefon dhe e vendosim në frigorifer për 30 minuta. Pas 30 minutash brumin e përgatitur e hapim. Për ta hapur atë më thjeshtë vendosim poshtë brumit një letër pjekje dhe mbi brum një qese celefon.

E hapim dhe e vendosim në një tavë me formë. E shpojmë brumin me pirun që të mos fryhet dhe e vendosim në furrë në temperaturën 180 gradë Celsius për 20-25 minuta. Më pas e nxjerrim dhe e lemë të ftohet mirë.

Ndërkohë përgatisim mbushjen. Kalojmë në një tigan pa yndyrë pluhurin e arrës së kokosit, e lëmë atë derisa të fillojë të zverdhet pak, më pas shtojmë sheqerin dhe gjalpin (në temperaturë ambienti). E trazojmë derisa të përthithet mirë nga arra e kokosit dhe e largojmë, e vendosim në një tas me qëllim që të ftohet, më pas shtojmë ajkën dhe qumështin e kutisë.

E trazojmë derisa të bëhet një masë pak ngjitëse. E shtrojmë në bazën që tashmë është ftohur dhe e nivelojmë. Ruajmë pak nga brumi i kokosit mënjëanë për dekor. Shkrijmë çokollatën pasi e kemi larguar nga banjomaria, shtojmë gjalpin e temperaturës së ambientit dhe 2 lugë gjelle qumësht kutie. E perziejmë mirë dhe mbulojmë komplet tortën duke e dekoruar ne fund me sfera të vogla nga brumi i arrës së kokosit. /InfoBridgeOnline/